سنة حلوة يا حبيبي
××××××××××××
ألفين وأربعة وعشرين.............. وانت الحب وانت الهنا
والشوق بعذابه وأنينه ...........وبقربك حنعيشه بصفا
وتيجي سنة وتمر سنة .........وأنا وانت نجوم بالسما
فاتت سنين ومرت ثواني........... وانت لسة حبيبي أنا
والنظرة منك بتشفينى............... وبتدحرج عليَّ المسا
والهمسة منك حنين............ بتداوي البعد عنك والجفا
وأنا وانت فرحة مخلوطة......... بقلبي من جوة الحشا
والأيام بتجري وراها شهور..... وحبك انت بلسم وشفا
وشوقي ليك بيزيد وبيفرد...... قلوعه فوق فوق بالعلا
وكل يوم حياتي معاك .......فرح وسعادة وحب ورضا
وانت الحب وانت السعد................ وانت الهنا والإ فلا
ألفين أربعة وعشرين............... وانت الحب وانت الهنا
اوعاك تنس حنيني ولهفة قلبي وعذابي بسنين الضنا
خليك جنبي يا حبيبي خليك جنبي بأجمل سنين حبنا
دنا من غيرك أتوه وبتشمت........ في كل العزال والعدا
ده انت شمسي وقمري وانت شعاع نوري اللي انطفى
من غيرك أبكي وأنوح..... زي الطفل البريء فاقد اللقا
والفرحة بعينيه لما ارتمى........ في حضن أمه والدفا
وراح الخوف وجه.............. مكانه العطف اللي اتنسى
والعشق ناره لهيب.......... بتحرق ظلام الليل والأسى
سنة حلوة يا جميل......... سنة حلوة عليك انت وانا
ويدوم عزك ويروح عذابي..... اللي من بحبك اشتكى
ألفين أربعة وعشرين............. وانت الحب وانت الهنا
أديب وشاعر مهندس/ محمد عوض
31/12/2023
No comments:
Post a Comment