#مسائيات كاتب عبقري
#خيوط_الفهامة
سكت و سديت فمي
قالو عليا العجايب
تكلمت ودافعت على حقي
قالو عليا خايب
كون تبقى تابع الناس
مايجيك منهم غير المصايب
راحنا شايفين و سامعين
و اللعبه فاهمين
و عارفين وسط ذياب عايشين
راحنا نعرفوا الحبيب حبيب
والذيب ذيب
و القهوه تتبدل كي تزيدها الحليب
والمريض بالغدر مايداويه طبيب
الى فاتتك الماكله قول شبعت
و الى فاتك الحديث قول سمعت
ويا صاحبي رد بالك من السكبّي
على خاطر يحرش القطوط ويبكي مع الفيران
و عمر الخاتم ما يولي خلخال
و عمر الفلوس ماتهز الانذال
الميت مايقوم والصاحب مايدوم
وقليل الاصل ماعليه لوم
حط في بالك حتى حاجه ما دوم ...
كيما جات الضحكه مشات الهموم..
بجاه ربي
اللي ماقراش
علاش يكتب ويفسد حبر القرايا
واللي مشافش بعينه
علاش يكذب و يقطع عرض الولايا
نجيك من التالي
عيش فمك مغلوق...وقلبك صندوق
وربي ملفوق.. يخلص الحقوق
@followers
No comments:
Post a Comment