الدنيا ماعدلهاش ملامح
ولا الطموح بقى فيه طموح
بقى الخيال في خياله سارح
والصبر بقى مش عنده روح
والظلم ليل ع الكل طارح
سرمد مش ناوي يروح
بقى يضلم كل المطارح
ومنه ريحة الخوف تفوح
والحب كله بقى مصالح
والغدر شىء أصبح مباح
وبقت الضمائر في المشارح
فضت المساجد على الشيوخ
واتزاحموا عباد المسارح
زمن من فعله تدوخ
فيه العويل هو اللي فالح
واللي بيداوي الجروح
بقى في الزمن ده هو اللي جارح
واللي انجرح ممنوع يبوح
شاعر النيل بلبل عثمان
No comments:
Post a Comment