بنحب ليه وليه نعذب نفسنا
ونعيش في نار وبايدنا نحرق قلبنا
ونصاحب الليل الطويل
ونخدع الحلم الجميل
هناخد ايه غير العذاب
أهو دا اللي نابنا ف حبنا
حيره ومذله وقطع قلب
ما تقولش يعني عمالنا ذنب
ولا غضبنا ربنا
بلا حب بلا حيره وغلب
واللي شارينا دا ف عنينا
أكيد في ناس بتهمنا
لكن الوداد أصبح عناد
والحب بقى كله سهاد
خلانا نكره بعضنا
ياللي انتوا ناكرين المحبه
والصدق أصبح عمله نادره
حاسبوا علينا حبه حبه
ليه احنا بس نحبكوا
وانتوا بترضوا بجرحنا
خلاص كرهت الحب دا
الحب مش خالص كدا
لو حبكم بالشكل دا
خلاص ما عدش يهمنا
انا حبي غير كل البشر
لا يموت في يوم ولا ينكسر
وحبكم مالوش أثر
وبقولها ليكوا بالمختصر
انا نبعي دايم
يعيش ولا مليون سنه
شاعر النيل بلبل عثمان
No comments:
Post a Comment