( لجام الخوف )
بعد الفراق طبعاً أكيد
لازم يكون فيه رجوع
زي تمام بعد الخسوف
لازم يكون فيه سطوع
يعني أكيد مهما جرى
مسيرها تتعدّل
والكل يمشي مسطرة
والكفة تتبدّل
لازم هنوصل للعلا
كفايانا ذل المسألة
تعبنا م البهدلة
والضرب في الممنوع
بعد الفراق طبعاً أكيد
لازم يكون فيه رجوع
عشنا سنين من عمرنا
في الهم بنبيّت
سنين بحالها كُلّنا
عايشين بنتثّبت
ساكتين وراضيين بالألام
دافين دماغنا كالنعام
يدوب علينا نقول حرام
الضرب في الميت
آن الأوان يعني أكيد
نكسر لجام الخوف
ننسى كمان عيشة العبيد
والكل يعني يشوف
لازم أكيد نختار
بين إن نعيش أحرار
أو نبقى بإستمرار
شمس حاجبها كسوف
بقلمي عبدالحميد وهبه
No comments:
Post a Comment