علمينى
______
علمينى إزاى انساكى
وانسى جمالك وانسى هواكى
وانسى الليل اللى سهرتولك
وكلام حب فى يوم قولتولك
وانسى الماضى وانسى حياتى
وانسى هوايا وامنياتى
وانسى غرامك وانسى أساه
هو كلام فى الهوا قولناه؟
قولى وردى ولا تخبيش
أنا من غيرك ح اقدر اعيش ؟
إنسى ليالى الشوق وحنينها
وانسى جراح الشوق وانينها
اسألى شط زمان زرناه
وعلى الرمله كلام قلناه
وعلى الشط احنا كتبناه
جانا الهجر فى ثانيه محاه
كلمى حتى كمان اصدافه
والانسام والهوى وخلافه
أنا مش عايزك ما ترديش
أنا من غيرك ح اقدر اعيش ؟
كنتى أميرة كل حياتى
ملكة وعرش وملك وجاه
كنت الماضى وكنتى الحاضر
ليه وبسرعه الهوى ننساه
كنتى حبيبتى وكنت حبيبك
وازعل قوى لو شوكة تصيبك
وانا كنت ايه من قبل ما اشوفك
غير انسان الحب ضناه
وانا مش عايزك ما ترديش
أنا كان نفسي فى قربك اعيش
شعر
عبد الرحيم على
No comments:
Post a Comment