( في عُرف الحُب )
من بين جميع الناس ومن كل اللي شافني
إخترتَك إنت وسِبت قلبي معاك أمانة
تيجي إنت يعني بالبعاد وبتكافئني
وتسيبني بعدك أعيش لوحدي في المهانة
إيه ذنب قلبي ياريت تقولّي خدعته ليه
ذنبُه إنُه حبك يعني وإنت جنيت عليه
عارف في عُرف الحب ده يبقى إسمه إيه
يبقى إسمه قلة أصل أو أكبر خيانة
من بين جميع الناس ومن كل اللي شافني
إخترتك إنت وسِبت قلبي معاك أمانة
لمّا إنت مش قد الأمانه كنت قول
وأنا كنت الاقي حد صعب في يوم يخونها
الدنيا فيها كتير قوي أولاد أصول
فيهم أكيد اللي يقدّرها و يصونها
وأرجع وأقول اللوم أكيد طبعاً عليا
أنا اللي خدت القلب سلّمته بإيديا
سلّمتُه يعني لشخص صعب في يوم يصونُه
فضروري كان لازم ده يجرى يعني فيا
بقلمي عبدالحميد وهبه
No comments:
Post a Comment