💡 الله يدينا في الضوء 💡
انتشر الظلم
الإنسان الحر تكمم
تعتقل مول القلم
ومول التدوينة ما اسلم
فين بهذه السياسة يامعلم
باركة علينا من الهم
راه تقاريرنا كتصدم
الحالة كتزيد تتأزم
يامعلم
هادشي راه يألم
خلي البصيرة تحكم
راه الظلم
يبقى في كتابك مزمم
شحال قدك في لفواه تكمم
إلا سلكتي في الدنيا
راه في الأخيرة ما تسلم
الإنسان يصفي حسابه مع ربي يامعلم
قبل ما يجي وقت الحساب ويندم
😭😭😭
راني عييت من الكلام
بعدما تبخرت الأحلام
الدول زادت القدام
وحنا رجعنا في مؤخرة الأمم
الحروف هجرت لقلام
وهاجر صرب الحمام
يبحث عن السلام
بعدما تسجنوا ناس الإعلام
الحياة ولات ظلام في ظلام
كلشي متبع لحكام
وما قادر يهضر صارط لجام
الإنسان عيا بالتخمام
ينتظر يزول الغيام
وتتراجع لحكام
وتزيان الليام
ويعيش ماتبقى من حياتو في سلام
باركة من لسقام
هذا راه سر الكلام.
مجدوب الحرف : بلشقر محمد.
No comments:
Post a Comment