قصيدة من ديواني الشعري*حرب القوافي*
😭قطرة من دمي😭
قطرة من دمي
نكتب بها همي
الزمان كله ضدي
نشكي على الأحباب والأصحاب
يقولولي عدي
داب يفرج ربي
صعيب نوصف حالتي
بعدما تبخرت أحلامي
وزادت احزاني
وكثر آلامي
وما بقى العقل هاني
*******
شكون يقارن همو بهمي
كلشي أصبح ضدي
المفسد سممني
شحال قاسيت
وحتى واحد ما نصفني
كلشي في الزمن قهرني
الحمد لله ربي ناصرني
وعلى الطغاة مغلبني
واحد الجبان عيا يحفر باش يحطمني
وفي المحكمة جرجرني
والقضاء برأني
بعدما المجتمع آزرني
*******
دخلت قبر العذاب
ماللي لقيت الحاكم كذاب
في المناضلين كيغتاب
بالنميمة فرق بين لحباب
أشعل النار بين الأصحاب
حياتي كلها بكى واحزان
كنشوف الفساد في كل مكان
الشعب عيان
ما قادر نصبر على هذا الحال
العيش في البلاد أصبح محال
ما بغات تتغير الأحوال
*******
زمان يحير
كلشي بالمال تغير
المحبة مشات
والعشرة ما بقات
كثرة الحيلة
كلشي تبدل في نهار وليلة
هاذ الزمان ولا مصيبة
الفاسدين دايرين غريبة
البلاد كثرت فيها السيبة
يمكن النهاية قريبة
والله أعلم.
مجدوب الحرف : بلشقر محمد.
No comments:
Post a Comment