الدنيا بتضحك
الدنيا بتضحك وياكى
والحب بيمشى على هواكى
والعقل بينسى افكاره
ولا عمره حبيبتى هينساكى
بسمه واحده من شفايفك
تصبح الدنيا ربيع
لو تغيبى قلبى شايفك
فى غيابك راح اضيع
لما اشوف غمزة عيونك
ادعى رب الكون يصونك
والورود اللى ف خدودك
قلبى يتلهف ردودك
وانتظر مرسال يجى لى
امتى بس راح تميلى
ده البُعاد بيهد حيلى
ارحمينى وقربى لى
فرح قلبى لما اشوفك
وانتى بتدارى كسوفك
والقى اسمى مستخبى
ياحبيبتى بين كفوفك
واسمع الضحكه بقلبى
ضحكه بتنور لى دربى
اضحكى وزيدى كمان
حسسينى بالامان
ياللى فى غيابك حبيبتى
قلبى داق مُر الهوان
شعر أحمد اسماعيل / شاعر العرب
No comments:
Post a Comment