❤️عَدي العُمر❤️
🌹
و عدي العُمر و مش نادم علي عُمري
❤️
و ف كل فَجر بأقول قِسمتي و قَدري
❤️
و مع كل بدر أنتظر إكتمال قمري
❤️
و ف قلبي صبر و مين عنده جمال صبري؟
💕
شربت كاس المُر من إيد حبيب سَكن صدري
💔
شاب الشَعر بعد الهجر و من غَدره انحني ضهري
💔
شَكيت للبحر جاني السمك يبكي علي قهري
💔
شافني البَر و دمعي شلال ع الخدود يجري
💔
عِشقت مُهر فَرس جامح سَلب فِكري
❤️
عيونه سُمر خيال سارح سبب أسري
❤️
خدوده حُمر تُفاح صابح قاد ف الفؤاد جَمري
❤️
خطوته ع الأرض سِحر و نَغم في سطور شِعري
❤️
حكاية عِشق مسطورة علي جبيني من صُغري
❤️
لا عمري شَكيت و لا بَكيت و سَلمت لربنا أمري
❤️
د.ياسرالشريف
No comments:
Post a Comment