كلمات شاعر بنى هاشم
الشاعر صبرى عبد الواحد الحسانى
مش انتى
مش انتى اللى عرفتها
مش انتى اللى حبتنى
مش انتى اللى من احزانى
وهمومى زمان اخدتنى
مش انتى اللى بعنيها
الدنيا وجمالها ورتنى
مش انتى اللى شمسها
ياما زمان دفتنى
مش انتى اللى فى قلبها
بحروف من نور كتبتنى
مش اللى من بين
كل البشر اختارتنى
مش انتى ام قلب ابيض
من كل امراض شفتنى
مش انتى اللى أنا حبيتها
ومن حبها روتنى
مش انتى اللى باعت الدنيا
ومن بين العالم اشتريتنى
مش انتى اللى قالتلى
أنا ملكك وانت ما لكنى
مش انتى
انتى واحده تانى
بحبها وهمتنى
انت مخلوقه غريبه
بكلامها حيرتنى
انت. نار ولهيب
بنارها حرقتنى
انتى سماكى غيوم
فى طريىقى ضللتنى
انتى وهم وخيال
حبيتها وما حبتنى
اديتها كل شيء
وهى ما شىء اديتنى
روحى انتى مش بتاعتى
احلامك خذلتنى
بنيت عليها آمال
وهى بغرورها هدمتنى
ما فيش فى ايدى غير انى
انساها زى ما نسيتنى
يارب اسعدهامع غيرى
ماهى برضه كانت حبيبتى
لا اتمنى الشر أو السوء لأحد حتى لو كان هو يتمنى لى ذلك فلقد تربينا على حب الخير والدعاء للغير كما ندعو لأنفسنا
وان نتمنى للناس ما نتمناه لأنفسنا
No comments:
Post a Comment