كلمات شاعر بنى هاشم
الشاعر صبرى عبد الواحد الحساني
الولد
الولد لما يكبر
يكون راجل فى كتف أبوه
فى فرح أو فى واجب
ممكن ليه نبعتوه
ويقولوا ده إبن مين
الله اكبر ليحسدوه
الولد بيشيل حمول
ويخفف من اللى نشيلوه
خصوصا لو كان صالح
وواكل من خير ابوه
الولد سند وضهر
علشان كده بنربوه
الولد بيشيل اسم عيله
فوق كتافه بنحملوه
الولد بيشيل أسمى
فى الشهادة بنكتبوه
البنت
البنت بتجيب راجل
زى ابنى بتعتبره
خصوصا لو كان اصيل
ماهو. مش اى حد نناسبوه
البنت حضن دافي
نرتاحو لما نحضنوه
البنت بتشيل ابوها
لو السنين غدروه
البنت طريق للجنه
بسببهم بنسلكوه
البنت بسمة فى البيت
وزرع طارح بنزرعوه
البنت فى العين والننى
تاج على الراس نلبسوه
البنت شرف عيله
بناتنابيصونوه
البنت حبيبة ابوها
عمرهم ما زعلوه
البنت بتجيب راجل
زى ابنى بنعاملوه
خصوصا لو كان اصيل
من أمه ومن أبوه
البنت زى الولد
فى القلب حبهم حفروه
ربنا يبارك فى اولادنا واولادكم ويعطى كل محروم يارب العالمين
No comments:
Post a Comment