دلع الحبايب ازداد
الشاعر/ عامر عبده عامر مصر
حبيبي زعلان مني
مع ان ما لوش حق
ما اقدرش ازعله
ولا عمري اقول له لا
لازم اراضيه وادلعه
بيقول لي مش احنا روحين
في شخص واحد
وده ما فيهوش خلاف
أشمعنى كلمه حبي
أخرها حرف ياء
وأشمعنى كلمه حبك
أخرها حرف كاف
كنا نسيب حرف
والثاني أيه لازمته
طالما روحي وروحك
فرد واحد يخاف على نصه الثاني
وطول عمره في خدمته
رديت وقلت له
بدات منك أحاذر وأخاف
ما حدش علق عليهم من العشاق
مع ان الكل ذاق الحب وشاف
يا حبيبي اللفظ واحد
ما فيش اي اختلاف
الاختلاف في الاماكن
انا قلبي ملك لك
هو انت قاعد في قلبي ساكن
بدل ما نشيل حرف
نشيل حرفين
ولا تزعل يا نور العين
انا عمري ما ازعلك
وتبقى كلمه حب
تشملني وتشملك
واقول لك حاجه تفرحك
نلغي اسمي واسمك
ويبقى أسم واحد
بيني وبينك مشترك
No comments:
Post a Comment