رحال
رحال وماشي في البلاد
وحياتي كلها ترحال يمكن
اكون غريب عن الناس
بس مش حاسس اني عجيب
ده انا كل صدق واحساس
بس مش قادر اكون من الناس قريب
انا رحال وتايه في غربتي
وحاسس اني عايش وحيد
يمكن عشان بعيد عن اهلي وناسي
او حتى اكون في دنيتي
صابر وبعشم نفسي اني
بعمل كل ده علشان خاطر
اهلي وناسي
بس حاسس اني انا ماشي
في طريق بعيد ومش عايش
اللي عايشينه ناسي
يا ريت لو حد يعرف يقول لي
اللي انا فيه هو ده الصح ولا
ارجع واعيش مع ناسي
صدقوني ما اخترتش اني اكون
بعيد عن اهلي وناسي
عمر البعاد مكان حل
علشان انا شايل حمل لو كان
شيل جبل كان مل بس
ارجع واقول عمري ما حد
في الدنيا اختار نصيبه
بس برضو كل واحد بيعمل اللي
عليه ويبقى كل امله في الدنيا
اني اعيش مرتاح مع ناسو
بقلم سيد السباعي شاعر الغربه
No comments:
Post a Comment