مبسوط ب انضمامي للجروب بصراحه
ف حبيت اعرفكم بنفسي بطريقتي الخاصه
ودي هديتي ليكوا علي روحكم الحلوه
نص بعنوان (خيش وحرير)
لحظه ما شوفت عنيها قولت
من ال ملايكه وملهمه
ف عيونها سحر عجيب غريب
والسحر ده عليا إترمي
خلاني أدوب ف هواها دوب
و ب نبض قلبي أنسج لي توب
ل الحج أطوف بيه لأجل أتوب
وأسكن معاها ف ال سما .
لحظه ما شوفت عنيها قولت
إزاي بريئه وكل سنتي ف قلبها
أبيض كده
وف نفس ذات الوقت قادره
ومجرمه ؟
تقدر ف لحظه تتوبك
وف لحظه تانيه تلهلبك
قلبي إتربك
حسيت دماغي . مطلسمه .
بس الحقيقه ال ربكه كانت
ف ال صميم
ده لأنها كانت حقيقي
هي أول سلمه
لأجل القلوب تتلاقي ويصيبها
ال غرام
من غيرها كان ممكن تعدي
قصاد عنيا
ك أي واحده و ال . سلام
من غيرها كان ممكن ساعتها
حقيقي يختلف ال . كلام
لكن عشان
ربي اللي عالم بيا
و ب حالي العدم
بيحبني
وعارف إني طيب
وإنها فرصه إن تروح
من قلبي يبقي ساعتها فعلآ
ده ال حرام
خلاني أشوفها عشان أفتح
بعد لما عشت عمر
حياتي عتمه مضلمه .
بعد أما عشت سنين مريض
ساكن ف قلب ال مفرمه .
خلاني أشوفها ف روحي تهدي
وتنسي أيام مؤلمه .
أيام جراحها متتنسيش
لكن معاها . إتبخرت
وبقيت كما الطفل الوليد
ب أحبي لها لجل أوصل لها
وأمسك إديها عشان أخطي
خطوه أولي ف دنيتي
وأنسي ال عمي .
بقي في ما بيني وبينها
فعلا . توئمه .
يمكن يجوز أو . ربما
كان جزء مني ساعتها حاسس
إنه حلم لابد منه
ف يوم هأفوق
أو إنها
كانت علي قلبي كتير
وحقيقي كان صعب إني أداري
وأقول ده عادي
ولا أصبر نفسي ب حكايه
ال مصير
مؤمن وعارف
إن ده المكتوب علينا
وكل شئ قسمه ونصيب
لكني عارف برده إن
التوب لا يمكن
يجمع ال خيش ب ال حرير
إيش جاب ل جاب ؟
هتساوي خيش يمسح بلاط
ب حرير ل سلطان البلاط ؟
هتساوي ميسي ب حد قاعد
طول حياته ف الإحتياط ؟
كان قلبي حاسس وقتها
فعلا . شتات
بس المفاجأة إن اللي فات
مع كلمه منها فجآه زال
أصبح سراب
خلتني من ذره تراب
حته ياقوت
لها سعر و ف سوق الرجال
متقيمه .
قالت إنها
عاشقه ب هوايا متيمه .
حسيت ساعتها
ب إني زورت ال جنه
وشربت ال خمور
وسكنت فيها مع حوريه
أحلي من بدر البدور
شميت عطور
من أجمل الرياحين
عنبر ومسك مخلطين
ياسمين
حسيت ساعتها بروحي متنعمه
قلبي إطمئن
ف نزلت الخاتمه
قلبي إطمئن
ف نزلت الخاتمه
#شاعر_المحروسه
يارب تعجبكم
No comments:
Post a Comment