خلاص تعبت
تعبت منك يا دنيا
ليه تملي ظلماني
الشيب مش كبر سن
دا بكي رجال جواني
طفح الكيل بالقوي
مع صرخة هداني
ليه الحر أيدية
بالحبال متربطين
والكلب بالدهب حليان
الجتة صاغ سليم
لكن الكسر جواني
النفس مكسورة قوي
لا ينفعها مجبرين
ولا طبيب براني
يارب انت اللي عالم
بكل حالي و احوالي
ويادنيا صالحيني بقي
حتي في اخر ايامي
طول عمري انا المجني عليه
ليه عملتيني انا الجاني
فك الحبال دا صنعتك
ولا هتفضلي كدا ربطاني
والندل عايش حر طليق
والكلب هوا سجاني
والله تعبت
بقلم
احمد محمود
من ديوان بنا حروف
No comments:
Post a Comment